mennulara

18,50€

mercar

A Mennulara

Simonetta Agnello Hornby

A vila siciliana de Roccacolomba semella suspendida entre pasado e presente, unha vila que quere resistir ao paso do tempo.

Premio de novela europea 2004. Un premio concedido por un xurado de lectores e lectoras, organizado polo Casino de Santiago de Compostela e que se concede a obras publicadas en calquera país de Europa. No 2004 a novela gañadora foi A Mennulara, da autora italiana Simonetta Agnello Hornby. A Editorial Galaxia en colaboración coa Consellería de Cultura do Concello de Santiago, publícaa na colección Literaria, co que continúa a súa liña editorial dedicada á edición en galego das máis salientables novidades de narrativa internacional.
A novela conta a vida dunha muller singular, a Mennulara, chamada así porque de nena colleitaba améndoas. Unha novela que se inicia o 23 de setembro do ano 1963 coa morte da protagonista, para, posteriormente, desenvolver o relato en espiral ao redor da figura desta criada dunha familia de terratenentes sicilianos. Os veciños da vila de Roccacolomba pregúntanse sobre o poder desta muller, que chegou a ser, na práctica, a administradora das propiedades e do pazo da familia Alfallipe. Chegan a odiala e mesmo a maldicila, pero tamén hai quen a lembra con gratitude. ¿Quen era realmente?¿Unha sedutora?¿Unha peza máis nas mans da mafia local?
A Mennulara é un dos máis intensos e poderosos retratos de muller da narrativa europea actual. Ao tempo a novela fainos volver á Sicilia de O Gatopardo, que, un século despois, aínda se debate entre o pasado e o presente, coma se quixese resistir ao paso do tempo. Un mundo de misterio e paixón, de personaxes e situacións memorables, contado coa sensualidade e o colorido da luz do Mediterráneo.

Recensións


Detalles

  • Páxinas : 320
  • Deseño : Rústica
  • Dimensións : 140 x 210
  • Data Publicación : 2005-02-10
  • Colección : Literaria
  • Editorial : Galaxia
  • ISBN : 978-84-8288-786-9
  • Edición : 1

Noticias relacionadas


Obras do autor en catálogo


Actividades relacionadas


Novidades

9788491514800Illados. Diario da pandemiaMaría López SándezMiguel Muñiz
9788491514862SilencioAgustín Agra
o-paraiso-dos-inocentesO paraíso dos inocentesAntón Riveiro Coello

simonetta agnello

Agnello Hornby, Simonetta
Simonetta nace en Palermo (Sicilia), é licenciada en dereito e reside en Londres dende hai anos; alí preside o tribunal Special Educational Needs.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR