medicion

20,90€

mercar

A medición do mundo

Daniel Kehlmann

Na Biblioteca Compostela de Narrativa Europea, que Editorial Galaxia publica en colaboración coa Concellaría de Cultura do Concello de Santiago, sae á luz a novela A medición do mundo, de Daniel Kehlmann, un dos autores alemáns máis brillantes das últimas xeracións. Deste xeito, chegan aos lectores galegos as novidades literarias europeas ao mesmo tempo que se publican no resto de Europa.

Daniel Kehlmann describe cun sutil toque de humor a vida de dous xenios, as súas ansias e debilidades, os seus paseos pola raia fina que separa a ridiculez da grandeza, o éxito do fracaso. A medición do mundo é un requintado xogo de feitos e ficcións, unha novela de aventuras de extraordinaria fantasía, forza e interese. A historia de dúas aventuras vitais que acabarían por determinar a nosa maneira de entender o mundo.

Contra a fin do século XVIII, dous científicos alemáns emprenden a tarefa de medir o mundo. Un deles, o xeógrafo Alexander von Humboldt, logo de partir en barco desde a cidade da Coruña, ábrese paso pola selva e a estepa, navega polo Orinoco, proba no propio corpo os efectos dos velenos, métese no interior de covas, escala volcáns, encontra monstros mariños e tópase con antropófagos. O outro, o matemático e astrónomo Carl Friedrich Gauss demostra, sen moverse da súa casa de Göttingen, que o espazo é curvo. De vellos, xa famosos e tamén unha miguiña excéntricos, encóntranse os dous no Berlín de 1828. Pero aínda non ben descendeu Gauss do seu coche de cabalos e xa se ven ambos e dous enredados no tumulto político que segue á caída de Napoleón.

A medición do mundo acadou xa en Alemaña os 769.000 exemplares vendidos e vaise traducir a 35 linguas.

Recensións


Detalles

  • Páxinas : 324
  • Deseño : Rústica con lapelas
  • Dimensións : 14 x 21 cm
  • Data Publicación : 2006-11-22
  • Colección : Biblioteca Compostela de Narrativa Europea
  • Editorial : Galaxia
  • ISBN : 978-84-8288-952-8
  • Edición : 1

Noticias relacionadas


Obras do autor en catálogo


Actividades relacionadas


Novidades

9788491514015Os jeans de MaríaLois Alcayde Dans
9788491514046CarruselBerta Dávila
a-fraga-do-meu-avoA fraga do meu avo Mamá Cabra
na-metade-da-noiteNa metade da noiteLuis Marcelo Pérez

kehlmann

Kehlmann, Daniel
Daniel Kehlmann (Múnic, 1975) ten publicadas as novelas Beerholms Vorstellung (1997), Mahlers Zeit (1999) e Ich und Kaminski (2003), un libro de relatos titulado Unter der Sonne (1998) e un libro de ensaios. As súas obras están traducidas a máis dunha ducia de linguas e obtivo con elas varios galardóns, o último deles, o Premio Candide 2005. A súa novela Ich und Kaminski converteuse nun grande éxito internacional. Críticos literarios da relevancia do alemán Marcel Reich-Ranicki afirman da súa obra: "Recomendo a Daniel Kehlmann sen reservas. Intelixencia, capacidade de observación e fabulosos diálogos". Outras opinións da prensa internacional: "A novela alemá máis divertida deste ano" (Süddeutsche Zeitung), "Ao contar a vida dos seus personaxes, anécdota a anécdota, Kehlmann dá pé a un verdadeiro pracer literario" (Der Spiegel).


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR