larpeiro

20,20€

mercar

A cociña de Larpeiros. 150 receitas de Benigno Campos

Benigno Campos

Velaquí unha selección de receitas que Benigno Campos nos presenta tentando cubrir a demanda dun gran número de seguidores do programa da Televisión de Galicia, "Larpeiros".

A riqueza e variedade da cociña tradicional galega é a base da que parte Benigno Campos para elaborar 150 receitas de cociña no seu libro A cociña de Larpeiros. O popular cociñeiro do programa Larpeiros, da Televisión de Galicia, propón un percorrido saboroso pola cociña galega de sempre, tradicional e sinxela, á que engade unha achega persoal en cada un dos pratos propostos e a recomendación dun viño axeitado para os acompañar. O libro vai precedido dun limiar do escritor Xosé Cermeño e ponlle cabo o epílogo do xornalista Tomás Alonso.

O saber culinario de Benigno Campos Melón vénlle de Chapela, o barrio que une Vigo con Redondela, ao pé da ría, onde medrou entre os sacos, as latas e os aromas do negocio familiar de ultramarinos, e onde tivo un forno de pan a poucos pasos da súa porta e xogou nunha praia rica en ameixas, berberechos e beretes, lindante con leiras de leitugas e patacas. Logo, Benigno Campos acabou de facerse no Vigo fabril e sindicalista: traballou mirando ao mar para o que miran os estaleiros, as conserveiras, os naseiros, as redeiras, os bateeiros, as mariscadoras.

Tal como afirma Xosé Cermeño no prólogo do libro, “Os receitarios son comunmente lembrados polo nome dos seus autores, máis que polo seu título. Falamos do Picadillo, ou do Simone Ortega, ou do Escoffier. Seguramente falaremos no futuro deste libro como o Benigno, o receitario que compilou unha cociña popular, apegada á terra e á memoria”. Un libro de receitas que é útil á vez que gorentoso, que pola súa utilidade aproveita para cociñar e tamén aproveita ao padal.

O mester da cociña, amais de innovar e experimentar, cómpre que conserve os sabores, texturas e recendos que constitúen a base da memoria gastronómica galega. A que fai lembrar aqueles guisos sólidos, cabais, condimentados con fidelidade aos sabores da infancia e do país. Por esa razón, A cociña de Larpeiros é un libro honesto, no que a cociña propia de Galicia se arrequenta coa doutras tradicións foráneas.

Recensións


Detalles

  • Páxinas : 180
  • Deseño : Capa dura
  • Dimensións : 170 x 200 mm
  • Data Publicación : 2014-11-17
  • Colección : Cociña
  • Editorial : Galaxia
  • ISBN : 978-84-9865-202-4
  • Edición : 1
  • Nº na colección :
  • Observacións :

Noticias relacionadas

A cociña de Larpeiros2009-10-02 09:21:52


Actividades relacionadas

Benigno Campos en Betanzos2009-10-23 19:00:00
Sinatura de Benigno Campos2010-07-08 19:00:00
Sinatura de Benigno Campos2010-08-03 19:30:00
Conversa entre Larpeiros2011-11-25 20:00:00
Conversa entre Larpeiros2012-02-01 19:30:00
Conversa entre Larpeiros2012-04-16 20:00:00
Conversa entre Larpeiros2012-04-22 19:00:00
Conversa entre Larpeiros2012-04-22 13:00:00

Novidades

packshotfrontalA fita azulMon G. Buhigas
os-amorodos-de-bergmanOs amorodos de BergmanFernando Redondo Neira

benigno

Campos, Benigno
Benigno Campos naceu en Chapela. Durante 39 anos traballou nunha empresa da construción naval. Estando en Madrid no ano 1971 cumprindo o servizo militar comezou a afeccionarse á cociña grazas a súa amiga Tonina, tamén de Chapela.

Esta afección levouno a ser un dos integrantes do exitoso programa de cociña da Televisión de Galicia Larpeiros. Co seu libro de receitas, A cociña de Larpeiros pretende cumprir coa demanda dun gran número de seguidores do programa.


Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR