O día 5 de outubro, ás 20:00 h, terá lugar a presentación de Os anxos indecisos de Manrique Fernández na Sala Multiusos do Auditorio Municipal de Ponteareas.

Nela intervirá o autor do libro e irá como representación da editorial Francisco Castro, director xeral de Galaxia. Anna R. Figueiredo fará a presentación da mesma.

Os personaxes que protagonizan as historias de Os anxos indecisos están situados nos bordos, nas fronteiras, nos lindes. A dúbida e as posibilidades, reais ou fantasiosas, preséntanse para conceder ao instante das decisións unha marxe estreita con consecuencias enormes. O cotián e o sorprendente tecen a narración, con super modelos, xornalistas “de raza”, con música de Sam Cooke, romances de nenez, mocidade eterna de gata cíngara, trasnos náufragos… e violencia, baixos fondos, ilusións rotas, enfermidade, celos e a propia vida posta ao límite. Malia todo isto, en todas queda un pequeno canto á esperanza e a ilusión por unha realidade mellor…

Cada lector ou lectorá terá que decidir con que parte queda, se asume a crueza de fondo ou pervive nese soño en que os protagonistas tamén quererían vivir, cómplices da dúbida e do esquecemento.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR