O día 10 de outubro, ás 20:00 h, terá lugar a presentación de A herba de namorar de María do Cebreiro na Sala Numax de Santiago de Compostela. Á mesma, asistirán Ismael Ramos, editor do libro e a escritora Berta Dávila.

Vinte anos de poesía non son poucos. A herba de namorar condensa en cincuenta poemas a produción de María do Cebreiro dende a aparición de o estadio do espello en 1998 ata o recente Soños. Arquivos. Cartas (2018).

Neste volume —onde tamén atopamos poemas inéditos— acompañamos o caudal e os meandros dunha das voces máis singulares e recoñecidas da poesía do novo século.

A herba de namorar é un libro vello e novo ao mesmo tempo, un libro resultado de antologar, en palabras da autora, “aqueles poemas que salvaría se só puidese escoller eses”.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR