O escritor Xavier Alcalá presentará a súa nova novela, "Verde Oliva", acompañado do tamén escritor e director xeral de Galaxia, Víctor F. Freixanes e polo poeta Alfredo Ferreiro, quen manterá unha conversa co autor.

Da novela, recentemente traducida ao castelán, ofrecimos en aberto o primeiro capítulo, para a súa lectura de balde, cousa que podes volver facer premendo no enlace que atoparás á dereita destas páxinas.

O crítico literario Ramón Nicolás sinalou desta obra: "A documentación manexada polo autor deste traballo, sen dúbida monumental, insírese na ficción sen que se advirta sutura ningunha pois Alcalá sabe incorporar, nun relato de alento histórico, que ten tamén moito de crónica, o sentimento e os desexos dunhas xentes e dun tempo que exhiben con naturalidade as súas propias contradiccións alimentadas, claro é, de frustracións, dalgúns éxitos, de traizóns, traxedias, balaceras, fazañas ou covardías… Alcalá revive este tempo e proxéctao, ao meu ver con fortuna, ata os nosos días".

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR