Presentación de TOC TOC de Pablo Díaz en Betanzos

Categoría: Nova

O músico Pablo Díaz presentará o seu libro-disco TOC TOC na Libraría Biblos de Betanzos ás 12 horas.
Logo do éxito do seu Tic Tac, hai xa catro anos, Pablo Díaz continúa a súa carreira na música para os máis novos co lanzamento de Toc Toc. A editorial Galaxia presenta este libro-disco, que conta con ilustracións de Nuria Díez e que achega un feixe de temas optimistas e con ritmo. Canda ao que dá título ao volume, tamén hai cancións dedicadas ao Apalpador, á defensa do medio ou ao coidado dos animais, todo elo con ritmos alegres e grandes doses de fantasía. Díaz conta cunha banda de apoio e inclúe no traballo instrumentos como gaita, guitarras, acordeón e percusións.

Comparte nas túas redes sociais ou por email