A libraría Couceiro acolle mañá a presentación do último ensaio de María do Cebreiro Rábade Villar. A autora estará acompañada polo director literario de Galaxia Carlos Lema, Ana Salgado e Isaac Lourido.
Neste libro, a autora estuda as implicacións políticas das figuras espectrais na poesía galega, procurando na representación das pantasmas síntomas dunha perda colectiva que aínda non foi reparada e analizando o modo no que a propia cultura galega funcionou historicamente dun xeito espectral. Como pano de fondo, a tensión entre a condicionalidade precaria dos espectros e as demandas dunha identidade colectiva pretendidamente estable.
María do Cebreiro vaise convertendo, así, nunha das voces máis sólidas do ensaísmo galego contemporáneo.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR