O día 2 de marzo, ás 20:00 h, celebrarase, na libraría Cartabón de Vigo, a presentación de Distancias, de Tamara Andrés, ilustrado por Marcos Viso. Acompañando aos autores, asistirá Francisco Castro, director xeral de Editorial Galaxia.

Distancias é un artefacto poético concibido por Tamara Andrés e Marcos Viso, un álbum ilustrado sen fronteiras nin idades, unha pregunta constante, un deixarse levar.

Unha obra que nos obriga a facernos preguntas, dende a súa sinxeleza e preciosismo visual, rétanos a saír da nosa zona de cónfort e enfrentarnos a nós mesm@s a través da súa lectura. A poesía e a ilustración de dúas voces senlleiras da nosa cultura, mestúranse para dar vida a un proxecto único, que dará moito de que falar.

Despois do sobre viaxeiro Bicos, laranxas e un feixe de pensamentos, Distancias é o segundo froito de Cartas ás 12, un proxecto que os dous creadores idearon para experimentar, para asombrarse, para establecer un diálogo sen xerarquías entre texto e ilustración, para amosar a literatura como unha arte en acción.

 

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR