Este venres, na Biblioteca Infantil e Xuvenil da rúa Durán Loriga da Coruña, presentaremos o libro de Dores Tembrás, 'O peizoque Roque', ilustrada por Xosé Tomás. Autora e ilustrador participarán nun acto no que o fermoso paxariño cobrará, de novo, vida, entre as poéticas liñas dunha historia de amor ás palabras e de agarimo pola vida. Porque Roque quere alimentarse. Pero de verbas con sabor e con zume gorentoso.
De certo que todos os cativos e cativas que se acheguen pola biblioteca han saír igual de ben alimentados de significados marabillosos que Roque. Nunca tal se vira dentro do bosque!

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR