Culturgal é a Feira das Industrias Culturais de Galicia. Trátase dunha cita de referencia que se celebra do 29 de novembro ao 1 de decembro no Pazo da Cultura de Pontevedra co lema “Dálle unha volta á Feira!”. Durante 3 días preséntase un programa de actividades dun total de máis de cen actos e actividades construido coas propostas de empresas, artistas e institucións. Milleiros de persoas gozan cada ano deste evento que, cunha entrada a prezo popular, permite descubrir que é o se fai e que é o que vai vir no ámbito cultural en Galicia. Culturgal conta co apoio da Xunta de Galicia, Concello de Pontevedra, Deputación de Pontevedra e Ministerio de Cultura.

Como cada ano, a Editorial Galaxia estará presente neste encontro imprescindible achegando a súa proposta máis fresca.

Programación Culturgal 2019:

 

Venres 29 de novembro:

19:45 ESPAZO LIBRO

Presentación/debate dos dous últimos títulos da colección Feminismos.

Papá, por que non pintas as unllas de cores? Educando (contruíndo) masculinidades disidentes de Jorge García Marín e Mulleres que (nos) dan que pensar de África López Souto. Presentado por Francisco Castro, director xeral de Editorial Galaxia.

 

Sábado 30 de novembro:

12:00 ESPAZO LIBRO

Herba de namorar de María do Cebreiro.

Presentación do último poemario da escritora, acompañada por Malores Villanueva (Editorial Galaxia)

16:30 CARPA

Canta, miña pedra, canta. Homenaxe a Antonio Fraguas de Xoán Curiel.

Un espectáculo familiar ao redor dos relatos populares e cancións recollidas por Fraguas. Recomendado entre 6 e 12 anos.

18:00 STAND DE GALAXIA

Sinatura de A casa xunto ao volcán de Xosé Ricardo Losada.

19:00 STAND DE GALAXIA

Sinatura de Castelao. Construtor da nación. Tomo I. 1886-1930 de Miguel Anxo Seixas Seoane.

19:45 ESPAZO INFANTIL

A fraga do meu avó. Mamá Cabra.

A fraga do meu avó está chea de árbores, animais e vida, pero agora vese rodeada de eucaliptos e de xente que tenta cortala. Para concienciar da problemática dos bosques autóctonos e dos espazos naturais, nace este traballo, cheo de poesía, música e ilustracións para chegar ao corazón de todos e de todas.

20:00 STAND DE GALAXIA

Sinatura de Troglo & Dita de Alfonso Barreiro.

20:30 ESPAZO LIBRO

Conversa entre Gonzalo Hermo, Premio de Narrativa Breve Repsol 2019 con Diario dun enterro e Berta Dávila, Premio García Barros 2019, con Carrusel. Presenta Carlos Lema, director de edicións de Galaxia.

 

Domingo 1 de decembro:

13:00 STAND DE GALAXIA

Sinatura de Os anxos indecisos de Manrique Fernández e Hotel para coleccionistas discretos de Diego Giráldez.

13:15 ESPAZO INFANTIL

A que cheiran as cores de Juan Casto Rivadulla Fernández.

A agardada guía para coñecer o cerebro! Presentación con Luísa Martínez, directora da colección “A lanterna de Aristóteles”, e Xulio Amigo, director comercial de Galaxia.

17:00 ESPAZO LIBRO

Conversa de Susana Pedreira con Arantza Portabales ao redor de Beleza vermella.

17:00 STAND DE GALAXIA

Sinatura de Soleando de An Alfaya, ilustrado por Imma de Battle.

17:30 CARPA

O veleiro verde de María Fumaça.

Novo disco da familia María Fumaça e van de presentación á Feira!

19:00 ESPAZO LIBRO

Conversa entre Adolfo Caamaño, Premio Vilar Ponte de Novela 2018 con Matar o heroe e Abel Tomé, Premio Illa Nova de Narrativa 2019 co libro A noite do lobo. Presenta Malores Villanueva (Editorial Galaxia).

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR