Estes días saiu do prelo a terceira edición da obra de Antón Riveiro Coello, 'A voz do lago' que publicamos na nosa Colección Árbore 12 anos.
Estamos diante dunha historia con dúas protagonistas femininas: Irene e María. Irene é unha nena que vive nunha pequena vila a onde irá vivir María coa súa familia, xa que o pazo vai ser herdado pola súa familia. Mais esta María non é unha moza calquera, senón que estamos a falar da poeta María Mariño.
O libro ofrécenos unha trama plena de intriga e historias cruzadas que se resolverán cara ao final grazas ao traballo destemido das dúas mulleres. Polo medio, o amor, as sereas e moitos personaxes engaiolantes que explican o éxito desta novela do autor de 'Laura no deserto'.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR