Onte 4 de febreiro, cumpríronse cen anos do nacemento de Xosé Mª Álvarez Blázquez (Tui, 1915- Vigo, 1983), o escritor, libreiro, editor, mestre, arqueólogo, investigador, e moitas cousas máis, pero sobre todo galeguista, "galeguista de aceiro e pedra fina", tal que del ten dito Darío Xohán Cabana.
Do seu inxente labor, ademais das numerosas obras publicadas, tanto propias como alleas, fica constancia nos voluminosos e valiosos fondos arquivísticos, xenerosamente doados pola súa familia á Penzol no 2013.
En agradecemento, a Fundación celebra este xoves 5, xunto cunha representación do Instituto Alexandre Bóveda de Vigo e mais cos fillos e fillas de don Xosé Mª, un acto de lembranza e conmemoración do centenario do egrexio persoeiro, ó que tamén asistirá o alcalde de Vigo, Abel Caballero.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR