No pasado número da revista da National Library of Ireland, a Editorial Galaxia e o seu presidente Antón Vidal Andión foron mencionados como recoñecemento pola exitosa tradución do Ulises de James Joyce ao galego. A novela, publicada no ano 1922, saiu do prelo nunha nova tradución para o galego no ano 2013 da man do equipo formado por Eva Almazán, María Alonso Seisdedos, Xavier Queipo e Antón Vialle.
A obra, pertencente á colección de Clásicos Universais da editorial, foi premiada en diversas ocasións con galardóns como o Premio Fervenzas literarias ao Mellor Libro Traducido, o Premio da AELG á Mellor Tradución e o Premio Nacional de Tradución que outorga o Ministerio de Cultura, un dos máis altos galardóns que existen nese eido.

Con esta mención, a National Library of Ireland decidiu incluir esta innovación de Galaxia entre as doacións máis importantes recibidas ao longo do 2016.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR