Un 25 de marzo, coma hoxe, hai 30 anos que nos deixaba Ricardo Carvalho Calero, unha figura senlleira do galeguismo á que, este ano, a Real Academia Galega declara como protagonista no Día das Letras Galegas.

Exerceu como catedrático de Lingüística e Literatura Galega e tamén cultivou o seu interese polo mundo da escrita. Foi membro da Real Academia Galega. A partir de 1970 foi o principal teorizador e defensor das teorías do reintegracionismo lingüístico co portugués como vía para a normalización do galego.

Co gallo do Día das Letras Galegas, dende a Editorial Galaxia publicamos títulos seus como A xente da barreira, así como outros vencellados á súa figura: Ricardo Carvalho Calero. O anxo da terra, de Henrique Rabuñal ou Conversas con Ricardo Carballo Calero, de Carmen Blanco.

En canto finalice este período de confinamento e volva a normalidade, a Editorial Galaxia publicará o resto dos libros do autor, e relacionados co autor, previstos no seu Plan de Edicións.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR