Editorial Galaxia vai ter un protagonismo especial no Festigal. Entre outros actos, o vindeiro sábado, ás nove da noite, Editorial Galaxia organiza este acto de homenaxe a Ramón Lamote cunha conversa con Paco Martín, na que intervirán Francisco Castro, Xavier Senín, e Xoán Balboa, ilustrador dos libros de Ramón Lamote.

Quérese recoñecer así a importancia de Paco Martín como un autor esencial á hora de crear lectores para a nosa lingua. Porque son lexión os que entenderon que se podía gozar da literatura infantil tamén en galego grazas ao seu Lamote. Por iso é xa algo aceptado falar da "Xeración Lamote", que incluiría tamén a outros autores fundamentais como Agustín Fernández Paz ou Xabier P. Docampo.

No marco do Festigal, xuntos no día grande de Galicia, renderemos homenaxe como cumpre a un dos grandes da literatura de Nós.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR