O día 4 de outubro, ás 20:00 h, terá lugar na sede do Arquivo Histórico Provincial a presentación de Golpistas e verdugos de 1936. Historia dun pasado incómodo de Lourenzo Fernández Prieto, Antonio Míguez Macho e Iria Morgade Valcárcel.

O historiador local Pepe Álvarez será o encargado de presentar o acto, ao que asistirán tanto os seus autores como Francisco Castro, editor do libro e director xeral da editorial.

Esta é a historia dos verdugos.

Non é unha historia heroica nin agradable, tampouco unha historia esquecida. É unha historia que non tiñamos ganas de coñecer, pero que os historiadores e as historiadoras estamos obrgados a indagar e contextualizar. O coñecemento sempre resulta sorprensivo e desvenda erros, mitos, deformacións teresadas. Iso intentamos.

Os lectores coñecerán neste libro as dimensións sociais dos verdugos e os colaboradores. Canto se estende a marcha da violencia do golpe. Coñecerán os golpistas perseguindo as autoridades, empezando polas militares. Como foron fusiladas autoridades civís, militares, policiais e administrativas sen que imaxinasen que ían ser executadas, porque esa posibilidade non formaba parte do seu mundo, nin da súa experiencia vital e política.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR