Esta fin de semana, a Asociación de Escritores en Lingua Galega fixo públicos os libros finalistas para os seus premios anuais. Catro libros da Editorial Galaxia atópanse no listado dos finalistas. O fallo, o vindeiro 17 de abril durante a tradicional Cea das Letras.
O libro de Manuel Forcadela, 'A mecánica da maxia. Ficción e ideoloxía en Álvaro Cunqueiro' e o de Henrique Monteagudo, 'As razóns do galego. Apelo á cidadanía' son finalistas na categoría de Mellor Ensaio. No apartado de tradución, 'O museo da inocencia', de Orhan Pamuk, en tradución de Bartug Aykam e María Alonso Seisdedos, e a
'Obra dramática completa', de Sarah Kane, en tradución de Manuel F. Vieites, aspiran a ser un dos elexidos, polos socios e socias da AELG, como o mellor libro traducido do ano.
Entre os aspirantes a facerse cun dos galardóns, no apartado de Mellor Blog Literario, o escritor e Coordinador de Novos Proxectos da Editorial Galaxia, Francisco Castro, figura como finalista coa súa bitácora 'A Canción do Náufrago'.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR