Faladoiro "Álvaro Cunqueiro, xornalista" en Vigo

Categoría: Nova

O xoves día 1 de decembro ás 20 horas celebrarase na Casa Galega da Cultura (Praza da Princesa, 2) en Vigo o undécimo e último dos faladoiros incluídos no programa do Centenario de Álvaro Cunqueiro (1911-1981) organizado polo Consello da Cultura Galega (CCG). O escritor e director da editorial Galaxia, Victor Freixanes, a profesora e crítica literaria Dolores Vilavedra, o ensaísta e crítico literario Ramón Nicolás e o xornalista e conselleiro de "Faro de Vigo", Ceferino de Blas, falarán sobre "Álvaro Cunqueiro, xornalista". Os anteriores faladoiros tiveron lugar en Madrid, Lugo, Santiago de Compostela, Ourense, Mondoñedo, Ortigueira, A Coruña, Barcelona, Pontevedra e Ferrol.

Comparte nas túas redes sociais ou por email