Presentación en Cambados de LUME DE COBIZA

Categoría: Nova

O escritor Miguel Anxo Fernández presenta a cuarta novela do detective Frank Soutelo, primeira das súas aventuras en Galicia. Participan tamén Saúl Otero, pintor e mestre, e Ángel de la Cruz, director de cine.
Nesta nova novela, e logo da súa peripecia de sabuxos nos depravados ambientes de Hollywood, Frank Soutelo regresa para afrontar o seu primeiro caso en Galicia. Un mozo acaba de morrer e a súa familia sospeita que o pasamento foi inducido. Coa axuda do ex-garda civil Poncio e da moza Dalia Maxino, Soutelo rematará por mergullarse no mundo do ladrillo e da especulación, entre a vaga de lumes que arrasa o país no verán de 2006.
Sen esquecer o humor, Miguel Anxo Fernández aborda nesta novela un dos asuntos máis controvertidos da actualidade.

Comparte nas túas redes sociais ou por email