Presentación de 'A identidade fascinada' de Antonio Piñeiro en Vigo

Categoría: Nova

O escritor Antonio Piñeiro, que dende hai dúas semanas protagoniza no noso blogue un espazo arredor da súa nova novela A IDENTIDADE FASCINADA, presentará esta obra na feira do libro de Vigo o vindeiro luns ás 20.30 h. acompañado polo crítico literario Ramón Nicolás e o director de edicións de Galaxia, Carlos Lema.
Con A IDENTIDADE FASCINADA o escritor Antonio Piñeiro leva á literatura a Compostela universitaria dos anos oitenta e a fin dun tempo que sitúa na noite na que a explosión na discoteca Clangor puxo fin a unha etapa de entusiasmo. Como unha "novela híbrida" define esta nova obra, que ten elementos da novela, da autobiografía, do ensaio ou da crónica.

Comparte nas túas redes sociais ou por email