O pasado mes de xaneiro estreamos espazo de libros na canle de Nós Televisión. #UniversoGalaxia foi o nome escollido para unha sección onde teredes a oportunidade de coñecer máis de preto as nosas novidades literarias da man das súas autoras e autores. A encargada de estrear este novo espazo foi Ana Cabaleiro que, con As ramonas, se convertía a finais do 2018 na gañadora do Premio García Barros de Novela. Podes ver a súa entrevista aquí.

Axiña lle seguirá entre as convidadas no pasado mes, a conversa con Anna R. Figueiredo sobre a súa novela debut Os bicos feridos (Premio Viadutos 2018), que vai xa pola segunda edición. Deste xeito, cada mes, coñeceremos a fondo a obra de dúas autoras ou autores desta Galaxia, agora tamén no universo de Nós Televisión.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR