Convocado polo Concello da Estrada, a Secretaría Xeral de Política Lingüística e a Editorial Galaxia, este venres, 4 de maio remata o prazo para presentar orixinais ao XXX Premio de Novela Manuel García Barros (Ken Keirades), un dos premios de novela de maior traxectoria en lingua galega e un dos de máis prestixioso palamarés: Marcos Calveiro, Manuel Portas, Alberto Ramos, Anxos Sumai, Santiago Lopo… son só algúns dos autores premiados nos últimos anos.

Nesta edición, como en anteriores, poden concorrer ao premio autoras e autores de calquera nacionalidade que presenten os orixinais escritos, acordes coa normativa oficial vixente en lingua galega, agás os gañadores das últimas 5 edicións. Os textos presentados deberán ser inéditos e totalmente orixinais. O premio terá unha dotación económica de 9.000 euros mais a publicación da obra na colección Literaria da Editorial Galaxia.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR