A de onte mércores foi unha xornada feliz para a nosa editorial na Feira do Libro da Coruña. Foi necesario ir buscar máis cadeiras para acoller a tanta xente como a que quixo acompañar a Eli Ríos na presentación do seu libro ‘Marta e a píntega’ que vimos de publicar na nosa colección Árbore 10 anos.
Logo da intervención do editor, Francisco Castro, a profesora de Educación Infantil, Nuria González tomou a palabra para loubar o libro e amosar as posibilidades didácticas que contén, ademais dos seus valores literarios, para aprenderlles á cativada a superar retos, enfrontarse aos medos, evitar prexuízos.
O libro, que está a ser un dos máis vendidos do país na súa categoría, foi defendido pola súa autora cunha lectura dun fragmento que fixo a delicia dos presentes.
Marta e a píntega xa triunfan polo mundo adiante.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR