A Editorial Galaxia participará, do 30 de novembro ao 8 de decembro de 2019, na Feira do Libro de Guadalajara (México). Autores, axentes literarios, bibliotecarios, libreiros e máis de 2,280 casas editoriais de 47 países visítana este ano, sendo India o Convidado de Honra 2019.

De seguido, a programación cos actos que a nosa editorial desenvolverá na cita mexicana.

 

2 de decembro – Stand de Galicia, JJ27.

18:00 h. Presentación-coloquio ao redor do libro Extraordinario de Antón Lopo. Acompañando ao autor, estará Francisco Castro, director xeral de Editorial Galaxia.

19:00 h. Recital de poesía galega e mexicana. Representando a Galicia estarán os escritores Antón Lopo e Francisco Castro. Jorge Souza e Sofía Chan, participarán en nome de México.

3 de decembro

Pola mañá, Antón Lopo participará na sección Ecos do Festival Internacional do Libro de Guadalajara, no Colexio do Estado de Jalisco.

19:00 h. Francisco Castro, director xeral de Editorial Galaxia, impartirá a conferencia: Galaxia, 70 anos dun proxecto editorial e cultural ao servizo dun país, dentro do marco do Festival Internacional do Libro de Guadalajara, en México (Stand de Galicia, JJ27).

 

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR