Cuestións vitais secretas

Categoría: Nova

Logo do seu debut con 'O imposible de desatar', Premio Blanco Amor 2010, chega agora ás librerías o novo traballo de Iván García Campos e titulado 'Cuestións vitais secretas', un mollo de relatos que se introducen no interior das vidas correntes para axudar a quen le a desvelar o inminente: aquilo que sempre está a piques de acontecer e parece que endexamais chegará a realizarse. Coa precisión dun ebanista, o autor ensambla emocións, xestos e desexos; pescuda nos feitos, observa o comportamento, narra os pormenores para debuxar o contorno do que nunca se conta, para asediar o destino que os segredos marcan. Velaí a razón de que as cousas que permanecen sen ver a luz exerzan tanta atracción, o motivo polo que acaban subxugando a quen as experimenta.

Comparte nas túas redes sociais ou por email