Xa está aberto o prazo para que envíes a túa peza teatral ao II Premio Roberto Vidal Bolaño de textos teatrais para o público xuvenil.

Convocado polo Concello do Porriño, o IES Ribeira do Louro e a Editorial Galaxia, este premio nacía o pasado 2018 co obxectivo de de fomentar a escrita de textos teatrais dirixidos ao alumnado de ESO e Bacharelato, dada a necesidade de crear un fondo de textos teatrais susceptibles de ser representados por alumnado do ensino secundario.

Cun premio de 2.000 euros, mais a publicación da obra no catálogo da colección Costa Oeste de Galaxia, este convértese nun dos galardóns de referencia do panorama teatral e súmase á aposta pola dramaturxia en galego que leva desenvolvendo esta Editorial durante os últimos anos, pensando especialmente no público infantil e xuvenil.

Podes enviar o teu texto ata o 1 de abril de 2019. Participa!

Consulta ou descarga as bases ao completo aquí.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR