Convocado pola Academia Xacobea coa colaboración da Consellería de Cultura e Turismo da Xunta de Galicia, Naturgy e a Editorial Galaxia, a primeira edición do Premio de Novela Camiño de Santiago xa ten finalistas. Reunido na mañá de onte na cidade de Compostela, o xurado decidiu declarar finalistas as obras presentadas baixo os lemas El juego de la Coca, Camiño de paixón, Ego sum e Ecúmene. Calquera delas pode acardar o premio de 6000 euros en que consiste o galardón e ver o seu libro publicado pola Editorial Galaxia.
O xurado está composto polo presidente da Academia Xacobea Xesús Palmou; o escritor Ulises Bértolo: a responsable de Relacións Institucionais e Comunicación de Naturgy en Galicia, Amalia Baltar; o catedrático de Historia da Universidade de Santiago de Compostela Pegerto Saavedra; a escritora Rosalía Morlán; e o director xeral da Editorial Galaxia, Francisco Castro. Todos eles reuniranse para escoller a obra gañadora o vindeiro luns 3 de decembro, aínda que non será ata o día 17 dese mes que poderemos coñecer o título e a autora ou autor afortunados. A entrega do galardón terá lugar ese mesmo día nun acto na Cidade da Cultura que contará coa presenza dos representantes das entidades convocantes.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR