Estes días chegaba ás librarías galegas nós-dentro, o novo poemario de Eduardo Estévez, un libro no que o poeta volve reflexionar sobre a trascendencia nos elementos dos cotián. Así, os itinerarios de dentro constrúense coas mudanzas da luz, as rutinas dos habitantes e as interferencias que traen os libros. Porque as lecturas producen na voz poética reflexións sobre o rutinario e os poemas dialogan cos autores que le e aos que convida a participar da vida da casa. Tamén é unha celebración da amizade: personas reais cos seus nome aparecen unha e outra vez nos poemas creando unha ficción con elementos da realidade.

Eduardo Estévez (Buenos Aires, 1969) reside en Galiza desde 1995. Foi membro do consello editorial do Premio Nacional de Poesía Xosemaría Pérez Parallé. Da súa obra poden destacarse só paxaros saíron desta boca (1998), accésito do Premio de Poesía Miguel González Garcés; lúa gris (1999), finalista do premio Tivoli Europa; caderno apócrifo da pequena defunta (2003), XV Premio de Poesía Eusebio Lorenzo Balirón; derrotas (2004), VI Premio de Poesía concello de Carral, (2002); construcións (2008), entrar na casa (2015) e de baleas (2017).

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR