Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

A Editorial Galaxia recibe a visita do PSdeG

Esta mañá recibimos na Editorial Galaxia a visita do secretario xeral do PSdeG, Gonzalo Caballero, quen quixo coñecer de primeira man a situación da industria editorial galega e, nomeadamente, a da Editorial Galaxia neste seu 70 aniversario. Ademais de Gonzalo Caballero, participaron na visita, Olga Alonso e Ángeles Marra, deputada no Congreso, en Madrid, Leticia …

“Illados. Diario da pandemia” en breve nas librarías

Illados. Diario da pandemia, de María López Sández e Miguel Múñiz, en breve nas librarías de toda Galicia. É unha reportaxe que reflexa a primavera de 2020. Esa que mudou para sempre as nosas vidas e deixará, sen dúbida, fondas pegadas na memoria da nosa xeración. A cámara de Miguel Muñiz condensa, en imaxes, moitas das …

José Luís Baños De Cos gaña o III Premio Roberto Vidal Bolaño de Teatro 2020

A obra gañadora do III Premio Roberto Vidal Bolaño de Teatro 2020 é A CÁMARA ESCURA. O mércores 23 de setembro, ás 12 h, celebrouse, no Concello de Porriño, a entrega do Premio Roberto Vidal Bolaño de Teatro 2020. O gañador José Luís Baños De Cos, recolleu o galardón nun acto no que interviron Raquel …

Comezou o Obradoiro de Escrita Creativa da Escola de Letras con Francisco Castro

O pasado luns a Escola de Letras que botamos a andar a Deputación de Pontevedra e a Editorial Galaxia chegou á cidade de Pontevedra. Dous días dun Obradoiro de Escrita Creativa con Francisco Castro. O primeiro de moitos que celebraremos na cidade de Pontevedra. Na inauguración acompañounos a deputada de Cultura,Victoria Alonso Mos. Moitísimo talento entre …

XX Premio de Ensaio Ramón Piñeiro

A Secretaría Xeral de Política Lingüística da Xunta de Galicia, a través do Centro Ramón Piñeiro para a Investigación en Humanidades, e a Editorial Galaxia, coa colaboración de Caixa Rural Galega, convocan o XX Premio de Ensaio Ramón Piñeiro. Este premio convócase en memoria do escritor e filósofo Ramón Piñeiro, na tradición do pensamento literario …

Moaña é unha aventura

O pasado venres presentamos no Concello de Moaña, a edición especial do libro de Domingo Villar, O último barco, que, como explicou a alcaldesa da vila do Morrazo, Leticia Santos, servirá como agasallo institucional mais, sobre todo, para que as alumnas e alumnos dos institutos de Moaña, as bibliotecas e as asociacións da vila, poidan gozar …

Comezou o Obradoiro de Poesía da Escola de Letras con Antonio García Teijeiro

Onte deu comezo o Obradoiro de Poesía dentro da Escola de Letras, e que corre a cargo de Antonio García Teijeiro. Esta é unha iniciativa da Deputación de Pontevedra e a Editorial Galaxia. Con este, son xa tres cursos os que están en marcha dentro da Escola. No acto de inauguración contamos coa presidenta da …

Os libros de Galaxia, entre os máis recomendados no portal GALEGO.EU

O portal GALEGO.EU, que leva moitos anos seleccionando os libros máis acaídos para a lectura en todos os chanzos de idade, vén de actualizarse. No listado actual, hai unha moi boa cantidade de libros publicados pola Editorial Galaxia. Títulos coma Prohibido casar, papá, de Fina Casalderrey, Chamádeme Simbad, de Francisco Castro, Das novas cousas de …

Lara Dopazo Ruibal gaña o Premio Illa Nova de Narrativa 2020

A gañadora da cuarta edición do Premio Illa Nova de Narrativa 2020 foi Lara Dopazo Ruibal coa novela “O axolote e outros contos de bestas e auga”. Anunciouse o pasado venres, ás 18 h, na sala do restaurante do Corte Inglés de Vigo, nunha rolda de prensa na que participaron Pati Blanco, poeta e director …

Hoxe, lembramos a Vidal Bolaño

Tal día coma hoxe, o 11 de setembro de 2002, morría Roberto Vidal Bolaño. Escritor e dramaturgo, dedícaselle o Día das Letras Galegas no ano 2013. Foi unha das figuras máis senlleiras do teatro galego e un dos artífices da súa dignificación, profesionalizándoo. Nado en Santiago de Compostela, iniciouse no mundo teatral da man do grupo …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR