Campus Morte, a primeira novela de Lito Vila Baleato, resultou o pasado venres a obra gañadora do XV Premio Frei Martín Sarmiento na categoría de bacharelato e adultos. Un galardón que o autor recolleu nun acto celebrado na Cidade da Cultura de Galicia, en Santiago de Compostela.

Deste xeito, o debut narrativo de Vila Baleato, que chegaba ás librarías a inicios do pasado 2018 e que non deixou de sumar lectores coa súa trama de crime e intriga, faise cun dos premios máis orixinais do panorama galego. O Premio Frei Martín Sarmiento, convocado polas Escolas Católicas de Galicia, é unha actividade de animación á lectura en lingua galega na que se propoñen unha serie de libros finalistas en diferentes categorías dende a Educación Infantil ata o Bacharelato que os alumos len ao longo do curso, e sobre os que emiten as súas valoracións para elixir o libro gañador en cada unha das diferentes categorías.

Cun lectorado que se conta xa por milleiros, este recoñecemento para Campus Morte axudará a achegar a obra de Vila Baleato aos máis novos devotos da novela policial.

 

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR