Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

Camilo Nogueira en Vigo

Trátase de dous títulos relacionados entre si, en certa maneira complementarios: un sobre a construción da Unión Europea, dende os primeiros tratados do carbón e do aceiro ata os nosos días; outro sobre a significación que para Galiza ten o proxecto europeísta. Camilo Nogueira estivo acompañado neste acto por Carlos Lema, director de edicións de …

Premios para autores de Galaxia

Inma López Silva gañou o Premio Blanco Amor 2007, organizado nesta edición polo Concello de Lugo, pola novela Memoria de cidades sen luz, na que recupera a época da Guerra Civil e o florecemento de galeguismo histórico na Coruña dos anos 30. Convértese así na terceira muller en obter este premio, tras Ursula Heinze e …

Dúas traducións de Galaxia obteñen axudas da Comisión Europea

Unha moi boa nova e a confirmación de que imos polo bo camiño na aposta firme da publicación de narrativa europea e universal, combinando as novidades -publicadas antes ou ao mesmo tempo ca en castelán- cos grandes clásicos. Un chanzo máis no avance cara á normalidade nas relacións entre o campo literario galego e as …

Exposición homenaxe a Xosé Mª Álvarez Blázquez

Unha viaxe pola biografía e a obra dun autor fundamental na edición galega, a quen este se adica o Día das Letras Galegas. O visitante poderá achegarse a súa obra a través do material bibliográfico exposto, tanto da súa autoría como da súa faceta de editor, e a súa vida a través dos obxectos persoais …

Galaxia e El País reeditan a colección "O Moucho"

Xosé María Álvarez Blázquez, na Editorial Castrelos, concebiu esta colección coa idea clara de introducir a lingua galega nos fogares do país. Entre 1967 e 1983 puxo na rúa 64 títulos en formato accesíbel e popular, con tiradas de entre 3000 e 5000 exemplares e chegando a acadar co Catecismo do labrego a impresionante cifra …

Murado descóbrenos Palestina

Un libro que parte das vivencias persoais do autor para relatar, coma nunha novela, a epopea dun pobo a través dos ollos dun dos narradores galegos con meirande capacidade para descubrir as historias agachadas na tona da realidade. Cun ritmo narrativo e unha prosa que engaiolan o lector, Miguel Anxo Murado conta a súa viaxe …

Dobrete para Miguel Anxo Murado

O xurado do XXIII Premio Antón Losada Diéguez acordou conceder o premio de creación literaria á narración O soño da febre, de Miguel Anxo Murado. Neste caso, os responsables da selección destacan que ’partindo dun episodio real da vida do autor, preséntasenos unha galería de historias sorprendentes, ás veces oníricas e ás veces simbólicas, sempre …

Outono de traducións

Entre as novidades figura Camposanto, libro póstumo do escritor alemán W. G. Sebald, un dos autores máis prestixiosos da literatura alemana contemporánea, falecido en accidente de coche no ano 2001. Ademais, dentro da Biblioteca Compostela de Narrativa Europea, anúncianse 3 novidades: O castelo branco, primeira novela do Premio Nobel Orhan Pamuk traducida para o galego, …

Rábade Paredes presenta o Premio Blanco Amor 2006

Mentres a herba medra, de Xesús Rábade Paredes (Seixas-Cospeito, Lugo, 1949) é o XXV Premio Blanco Amor, prestixioso galardón que en 1981 gañou por primeira vez A vila asulagada de Daniel Cortezón e que, ao longo deste cuarto de século, reúne algúns dos nomes máis significativos da novelística galega contemporánea. O Premio Blanco Amor é, …

Editorial Galaxia e EL PAIS prantan 22 árbores

A iniciativa nace da colaboración entre a edición galega do xornal e Editorial Galaxia, a prol da difusión masiva de títulos de literatura dirixidos aos lectores máis novos, co patrocinio de Caixanova e a Secretaría Xeral de Política Lingüística. A colección Árbore, que dirixe o escritor Xosé Antonio Neira Cruz, dispón dunha tipoloxía específica para …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR