 Autor/a destacado/a: Editorial Galaxia publica a antoloxía completa de Fiz Vergara Vilariño 16/09/19 Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas. |
Álvaro Cunqueiro en DamascoCoa presencia dalgunhas primeiras autoridades da República Árabe de Siria e unha importante representación das embaixadas de Cuba, Arxentina, Venezuela, Brasil e España, inaugurouse en Damasco a biblioteca "Alvaro Cunqueiro", nas novas instalacións que o Instituto Cervantes dispón na capital siria. En palabras do director do Instituto, o xornalista e poeta César Antonio Molina, que … 
Amigos, familiares e lectores acompañan a Xosé María Álvarez Cáccamo na presentación que Galaxia organizou das súas memorias."Nada volverá ser igual para min", asegura o escritor Xosé María Álvarez Cáccamo tras publicar Memoria de poeta, un percorrido polo seu propio pasado desde a perspectiva de alguén que se converteu nun dos nomes clave da poesía galega contemporánea. O libro, presentado en Vigo o 25 de maio de 2006 por Xavier Rodríguez Baixeras … 
Editorial Galaxia presentou o número 170 da revista Grial, "Memoria do 36"Grial. Memoria do 36 propón unha reflexión sobre a memoria e a relación que a sociedade mantén co seu pasado. Falar da memoria é falar dun territorio común que se constrúe no tempo, do diálogo que a sociedade mantén co seu pasado e que formula non dun xeito inocou, tampouco inocente, senón con intención e … 
Editorial Galaxia presenta "O goberno do mundo"Editorial Galaxia e a Fundación Carlos Casares queren poñer a disposición dos lectores as palabras pronunciadas nos II Encontros de Mondariz-Balneario, que tiveron lugar en setembro do ano 2004. A finalidade destes encontros é a de reunir xentes de distintas procedencias ideolóxicas e profesionais para discutir temas políticos e culturais de transcendencia internacional, nun ambiente … Chega a época dos cogomelosCo outono chega o momento de disfrutar dos cogomelos, un dos praceres da boa mesa. Seducen tanto polas súas formas suxerentes como polo seu excelente sabor. 
Máis dun centenar de personas acuden á presentación dos dous primeiros volumes da obra xornalística de CasaresToda a produción xornalística asinada por Carlos Casares en La Voz de Galicia, baixo o epígrafe de Á marxe, vai ser publicada por Galaxia na colección Biblioteca Carlos Casares. O 4 de abril de 2006 en Vigo foron presentados os dous primeiros volumes da serie, os correspondentes aos anos 1992 e 1993. A columna de … 
Unha comunidade perseguidaXavier Alcalá tense salientado como un escritor que presta as súas mans e a súa capacidade narrativa para desenterrar historias que agochan a esencia do ser galego. Os feitos que ha relatar nesta novela que pecha a triloxía, editada por Galaxia desde o primeiro volume, Evanxélica memoria e que se ha titular Unha falsa luz … 
Editorial Galaxia edita en galego ao mesmo tempo que se publica en Europa "Cruceiro de verán".Unha das noticias literarias do ano, a nivel mundial, é o achado e publicación dunha novela inédita de Truman Capote titulada Cruceiro de verán. Escrita en 1943, o autor norteaméricano traballaría nela durante unha década para, finalmente, deixala rematada pero sen chegar a publicala nunca. Galaxia editaa agora, poucos mese despois de que aparecera a … 
Darío Xohán Cabana ingresa na Real Academia Galega e publica con Galaxia "Cabalgada na brétema" un poemario que libera enerxía comunal.O salón de actos da Real Academia Galega (RAG), na coruñesa rúa de Tabernas, non daba máis de si aos poucos minutos que o lugués Darío Xohán Cabana fixera a súa entrada. Cabana leu un extenso discurso de ingreso que levaba por título De Manuel María a Ferrín: a grande xeración, no que enxalzou a … 
Paco Martín, Premio Nacional de Literatura Infantil en 1986 por "Das cousas de Ramón Lamote", publica en Galaxia o libro de contos "A bisneta lercha"Paco Martín asegura que, segundo lle dita a súa experiencia profesional -39 anos sendo mestre-, aos rapaces non lles gusta a correccón política das versións dos contos clásicos e afirma que a el tampouco. O escritor lucense quixo escoller, polo menos, un relato de cada un dos tres grandes escritores da tradición de contos europea. … |
CATEGORIAS AUTORES/AS LIGAZÓNS DE INTERES |
