Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

A Editorial Galaxia inicia unha campaña de apoio ás librerías de Galicia

O 10% da súa venda online será destinada ás librerías que decidan os compradores. Dende hoxe, o 10% das vendas de cada pedido que se faga dende a nosa páxina web irá destinado á librería que se nos indique. Con esta medida, a Editorial Galaxia, consciente do gran reto ao que nos enfrontamos todas e …

Dous libros de Galaxia, gañadores na V Gala do Libro Galego

As obras escollidas polo xurado foron A que cheiran as cores? A esperada guía para coñecer o cerebro, de Juan Casto Rivadulla Fernández, ilustrado por Nuria Díaz, na categoría de Divulgación, e Castelao. Construtor da nación. Tomo I. 1886-1930, de Miguel Anxo Seixas Seoane, na categoría de Iniciativa bibliográfica. Na Editorial Galaxia estamos moi felices …

“Distancias” que nos achegan

Se hai unha palabra que oímos durante este tempo, esa é distancia. Ou na súa variable, distanciamento, distanciar, distanciarse, distanciamento social… verbas protagonistas que funcionan coma salvavidas hoxe en día. É curioso que Tamara Andrés e Marcos Viso crearan un artefacto poético ao que titulan Distancias. Chamarlle á poesía visual desa maneira, cando o que …

“As cruces da pedra na Bretaña”, de Castelao, cumpre 90 anos

Este mes de maio, As cruces da pedra na Bretaña, de Castelao, cumpre 90 anos. Este facsímile é un estudo que afonda na linguaxe expresiva dos cruceiros bretóns. Realizado no marco do Seminario de Estudos Galegos, investiga a linguaxe formal destas expresións artísticas tan características de Bretaña. Castelao pon, ademais, estas cruces en relación coas do …

Velaquí os vídeos sobre as obras finalistas da Gala do Libro

Xa se poden ver os primeiros vídeos dos finalistas dos Premios da Gala do Libro Galego 2020. O fallo dos premios realizarase o día que estaba previsto, o 9 de maio, aínda que, dadas as circunstancias actuais, non haberá entrega ata máis adiante. Dende a Gala do Libro, a través dos vídeos, as autoras e autores finalistas falan …

Adiados os Premios Illa Nova e Roberto Vilar Bolaño

Dada a excepcionalidade da situación actual, adíase o fallo do Premio de Novela Illa Nova. En canto se recupere a normalidade, anunciarase a data do mesmo. Os tempos que estamos vivindo tamén afectan, naturalmente, ao III Premio Roberto Vilar Bolaño. Prolóngase a recepción de orixinais ata que se restableza a situación. Velaquí as bases: Poderán …

Feliz Día do Libro!

Dende a Editorial Galaxia desexámosvos un moi feliz Día do Libro a todas e todos. É tempo de ler, de soñar, de descubrir, de imaxinar, de aprender, de gozar e sobre todo sentir. Sentir que todo irá ben e volveremos ás librarías, volveremos a compartir o tempo cos nosos e seguiremos viaxando, imaxinando e soñando …

“Comercultura” unha campaña para dar de comer, tamén, libros

Co gallo do Día do Libro, que se celebra mañá xoves 23 de abril, a Editorial Galaxia, a Asociación Vigo Gastronómico e o Concello de Vigo, a través da campaña “Comercultura”, repartirán este mércores máis de 500 libros ás persoas máis necesitadas da cidade olívica. As bolsas de comida serán distribuidas co apoio loxístico do …

Chus Pato e Alba Cid, en Asymptote

Algúns dos poemas de Un libre favor, de Chus Pato e Atlas, de Alba Cid, foron traducidos na prestixiosa revista Asymptote. Erín Moure traduciu algúns dos poemas de Chus Pato, The Face of the Quartzes, á que podedes acceder premendo na ligazón. Quen lea esta obra hase atopar coa poesía nun estadio material, de cousa. Non esa poesía …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR