Autor/a destacado/a:
Editorial Galaxia publica a antoloxía completa de Fiz Vergara Vilariño
16/09/19

Galaxia publica nestre tramo final do ano a antoloxía poética de Fiz Vergara Vilariño, escrita por Yago Rodríguez Yáñez. Un traballo necesario e unha gran escolma poética por parte do autor. Atopámonos ante un referente esencial, polo que hai que transitar para entender a nosa poesía actual. O poeta naceu e morreu na parroquia de Santalla de Lóuzara, no concello lugués de Samos (1953-1997). A súa poesía contiña un marcado carácter social, que foi derivando a un maior intimismo co tempo. Da súa primeira época destacan as obras Para vós (1971) e Encontro cos tiburóns (1973). A poesía paisaxística, amorosa e existencialista predomina dende Orfo de ti en terra adentro (1976). Desta tendencia son os poemarios Poeta muiñeiro á deriva (1982), Nos eidos da bremanza (Editorial Galaxia, 1990), Pastora de sorrisos (1993) e o póstumo Animal sen fel (1998). Formou parte do colectivo Cravo Fondo, xurdido en Santiago de Compostela en 1977. Foi un grupo poético que naceu cunha vontade renovadora, autodefinido como revolucionario, nacionalista e comprometido coa investigación creativa coa lingua e a literatura. Poetas da altura de Ramiro Fonte, Xesús Rábade Paredes, Xavier Rodríguez Barrio, Xulio López Valcárcel, Xesús Manuel Valcárcel, Helena Villar Janeiro e o propio Fiz Vergara Vilariño, dábanlle forma a esta sinerxía literaria. “Por Galicia, pola poesía, Cravo Fondo, verba nova para unha terra ceibe”. En 1977 publican Cravo Fondo, o seu único libro conxunto no que, en forma de manifesto, mostra a vontade de superación do socialrealismo epigonal, sen renunciar á historicidade nin caer no esteticismo. Saliéntase a necesidade de facer recitais non elitistas.  

Neste 2020 a Editorial Galaxia cumpre 70 anos

Co gallo do seu 70 aniversario A EDITORIAL GALAXIA PRESENTA UN NOVO LOGOTIPO PARA O ANO 2020 Este ano 2020 a Editorial Galaxia cumpre 70 anos. Fundada en 1950 leva sete décadas de servizo ao país. Co gallo deste aniversario, todas as publicacións que vexan a luz durante 2020 farano cun novo logomarca que, lembrando …

Xaquín Núñez Sabarís gaña o Premio Ramón Piñeiro de Ensaio 2019

A obra Cartografías da narrativa galega contemporánea, de Xaquín Núñez Sabarís resultou gañadora do Premio Ramón Piñeiro de Ensaio 2019, que organizan conxuntamente a Secretaría Xeral de Política Lingüística da Xunta de Galicia e Editorial Galaxia co patrocinio de Caixa Rural Galega. A xuntanza do xurado realizouse hoxe, día 27 de decembro de 2019, ás …

“Extraordinario”, primeira novela en galego recomendada polo Pen de Estados Unidos

Extraordinario, de Antón Lopo, converteuse na primeira novela en galego que entra no selecto grupo de obras recomendadas polo Pen de Estados Unidos, unha das organizacións máis prestixiosas do país. O recoñecemento chega a través da tradución que realizou Jacob Rogers e que lle valeu a célebre bolsa anual do Pen e da Fundación Heim. …

Feliz 2020

Dende a Editorial Galaxia desexámosvos un ano cheo de ledicia, ilusión e sobre todo, lectura da boa!

O Pleno da Real Academia Galega nomea a María Rosa Lojo membro de honra

O Pleno da Real Academia Galega nomeou a María Rosa Lojo (Buenos Aires, 1954) membro de honra. Filla de pai galego e nai castelá, é autora dunha ampla produción como experta en literatura e dunha destacada obra creativa que a converteu nunha das escritoras arxentinas máis internacionais. En ambos os campos a súa é unha …

Presentación de “Historia da vida cotiá en Galicia, séculos XIX e XX” en Ourense

O día 23 de decembro, ás 20:00 h, celebrarase, no Salón Noble do Liceo de Ourense, a xeito de tertulia, o evento de presentación do libro de Xavier Castro: Hª da vida cotiá en Galicia, séculos XIX e XX, Premio de Investigación Xesús Ferro Couselo. A conversa versará sobre a vida cotiá en Ourense (especialmente no …

Presentación de “Luzbell” en Betanzos

O día 21 de decembro, ás 19 h, celebrarase, na libraría Biblos de Betanzos, a presentación de Luzbell, de Diego Rosales e Xosé Tomás. No recuncho máis escuro e tenebroso do inferno atópase Luzell, o demo bombilla. Xefe dun exército de diaños, está disposto a facer o mal e traer a desgraza e a destrución …

Avance: Novidades literarias Galaxia 2020

O ano 2020 vai ser un ano moi especial para a nosa editorial pois cumprimos 70 anos de historia. De seguido, un avance dalgúns dos títulos que imos publicar no primeiro trimestre deste ano que está a piques de comezar. A Editorial Galaxia cumpre 70 anos de vida dende o seu nacemento en 1950 e …

Lecturas de Nadal para xs máis novxs da casa

A Asociación Galega do Libro Infantil e Xuvenil (Gálix) preguntou en redes sociais ás súas usuarias e usuarios sobre que libros de Literatura Infantil e Xuvenil (LIX) galega recomendarían para agasallar este nadal. Estamos moi felices porque son moitos os títulos da Editorial Galaxia que figuran na listaxe. Obras coma A fraga do meu avó, …

Presentación de “Os anxos indecisos” en Vigo

O día 13 de decembro celebrarase, ás 20:00 h, a presentación de Os anxos indecisos de Manrique Fernández, na libraría Cartabón, en Vigo. Acompañando ao autor, asistirán Francisco Castro, director xeral de Editorial Galaxia e a escritora Iria Collazo. Os personaxes que protagonizan as historias de Os anxos indecisos están situados nos bordos, nas fronteiras, …


CATEGORIAS

AUTORES/AS

LIGAZÓNS DE INTERES

Fields marked with an * are required

Subscríbete ao noso

BOLETÍN DE NOTICIAS

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR