Será mañá xoves, ás 20 horas, na Fundación Novacaixagalicia da Rúa do Vilar de Santiago, cando se celebrará o acto de celebración do medio século da revista GRIAL e a chegada da publicación aos 200 números.
O acto, como xa temos feito outras veces, será retransmitido en directo, dende o noso blogue, a través da plataforma BAMBUSER, de tal xeito que dende calquera lugar do mundo no que exista unha conexión a internet se poida seguir.
Logo, a través dunha ligazón permanente conectada a esa plataforma, ficará para sempre a gravación completa do acto que poderá ser reproducida cantas veces se queira, vía streaming, en calquera soporte con acceso á rede.
Medio século despois, GRIAL ábrese, e participa activamente, das novas maneiras de difusión da cultura.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR