Organizada polo Pen Clube de Galicia e a Deputación de Ourense, a xornada de homenaxe comezará ás 12.00 horas coa tradicional ofrenda floral no cemiterio de San Francisco. Nesta ocasión esta homenaxe é especialmente significativa xa que se pode considerar a culminación do "Ano Blanco Amor", que sinala o 30 cabodano do seu pasamento e os 50 anos de A esmorga.

O acto contará coa participación de Francisco Rodríguez, Alcalde de Ourense, José Luís Baltar, Presidente da Deputación de Ourense, Luís González Tosar, Presidente do Pen Clube Galicia, Carlos Lema, director de edicións de Galaxia, e Roberto Varela, Conselleiro de Cultura da Xunta de Galicia. Tamén intervirán alumnos do IES Blanco Amor que lerán textos do autor homenaxeado. A homenaxe concluirá coa fermosa voz de María do Ceo, que interpretará dúas cancións a partir de textos de Blanco Amor.

Uso de cookies

Este sitio web utiliza cookies para que vostede teña a mellor experiencia de usuario. Se continúa navegando está dando o seu consentimento para a aceptación das mencionadas cookies e a aceptación da nosa política de cookies, clique na ligazón para máis información. sobre as cookies

ACEPTAR